Teksa fliste për zgjedhjen e Presidentit të ri dhe kujtonte proceset e shkuara, kryeministri Edi Rama nuk ka harruar të “ngacmojë” ish-kryeministrit Sali Berisha të cilin e konsideron si “kufomë politike”.
Rama u kthye pas në kohë në momentin e zgjedhjes së Bujar Nishanit në krye të shtetit, ku duke iu referuar Berishës tha “ndjesë pastë Saliu”, për të treguar se për ta ai “nuk jeton” nga ana institucionale.
“Ka qenë një ngjarje kur vlen ajo shprehja, jeta imiton artin. Asnjë shfaqje e teatrit absurd nuk do të linte pas atë që i dhamë njëri-tjetrit, duke marrë nëpër gojë njerëz. Për të mos bërë emra dhe të mos u zgjatur. Ja erdhi dhe një tjetër se ka qenë dhe Fatmir Mediu prezent. Arriti puna sa një kandidat e gjetëm në Golem dhe pastaj morëm në telefon Fatos Bejën, ai e njihte. U nis një makinë në Golem, e kur nuk u gjet, ndjesë pastë Saliu tha na ngatërron Fatosi. Nard Ndoka u caktua të fliste me Kadarenë. U ra dakord për ushtarakun, Fatmiri e njihte. Kishte rënë dhe ushtaraku, i gjori Sali kërkoi kokën e Dhori Sallakut. Tha siç po e them: Dua kokën e Dhori Sallakut. Pastaj u zhvillua një tjetër raund, kur doli toger Bujar Nishani. Ishte më e thjeshtë se PD i kishte votat”, tha Rama.
Discussion about this post