Presidenti Meta dekreton ligjin për akcizat: Synon të konsolidojë të ardhurat

Presidenti i Republikës, Ilir Meta, ka dekretuar me shpallje ligjin “Për akcizat në Republikën e Shqipërisë”, të ndryshuar”.

Në njoftimin e institucionit, theksohet se ky ligj u vendos të shpallej nga Presidenti i Republikës, për sa kohë synon konsolidimin e të ardhurave nga akciza, nëpërmjet përafrimit të tyre gradual me nivelin e akcizave të parashikuara në Direktivat e Bashkimit Evropian, si dhe moslejimin e hapësirave ligjore për shmangie nga pagesa e akcizës, duke shfrytëzuar shkallët e diferencuara të saj për përdorues të ndryshëm.

Kujtojmë që, po ditën e sotme presidenti Meta ktheu ligjin për TVSH-në, pasi e cilësoi se favorizon mjetet e luksit, jo sektorët jetikë të ekonomisë.