Ish-kryeministri Sali Berisha u tregua i prerë kur u pyet nga gazetarët nëse do të pranonte si President kandidatë nga opozita por të propozuar nga socialistët, duke thënë se kjo nuk do të ndodhte në asnjë mënyrë.
Sipas Berishës, nëse mazhoranca vendos që presidentin t’ia japë opozitës, atëherë është opozita ajo që negocion dhe zgjedh, por sipas tij, Rama bën procese me zarfe, si tendera sekrete.
“Asnjë kandidat të propozuar nga Rama nuk do e votojmë. Nëse mazhoranca vendos që kandidatin t’ia japë opozitës, është opozita ajo që negocion përzgjedh, paraqet dy emra sipas rastit dhe vendos. Rama po bën të kundërtën. Të implikohesh në një proces me zarfe është një lloj si një tender sekret. Nuk duhet të jetë sekret vetëm në rastet e inteligjencës”, tha Berisha.
Discussion about this post