Në mbledhjen e Konferencës së Kryetarëve, deputetja Klotilda Bushka ka shpalosur propozimet e socialistëve për procedurat dhe afatet deri në votimin e parë për Presidentin e Republikës.
Bushka propozoi që brenda 15 majit, deputetët të propozojnë kandidatët, ndërsa një ditë më vonë të mbahet raundi i parë për përzgjedhjen.
“Të mos i ngatërrojmë gjërat dhe të bëjmë diskutime që nuk I takojnë kësaj tryeze. Unë propozoj që raundi i parë të jetë në datën 16 maj, ora 17:00. Disa detyra do të kryhen paraprakisht. Propozoj që brenda datës 15 maj ora 16:00 të sillen propozimet zyrtare të deputetëve. Më datën 16 maj ora 10:00, të mblidhet Komisioni I Ligjeve për vlerësimin e kandidaturave”, ka propozuar Klotilda Bushka në fjalën e saj.
Sot nisi zyrtarisht procesi për zgjedhjen e presidentit të ri të Republikës, ndërsa ende nuk ka asnjë emër kandidati zyrtar për kreun e ri të shtetit.
Discussion about this post