Në një intervistë për mediat, kreu i Partisë Repubikane, Fatmir Mediu, ka folur sërish sot për zgjedhjen e presidentit të ri. Ish-ministri tha se opozita duhet të kalojë në veprime konkrete dhe të vendosë për një kandidaturë të përbashkët.
“Opozita sot flet shumë dhe bën pak. Duket sikur gjuajmë njëri-tjetrin nga mbrapa gardhit, në vend që të dalim me një kandidaturë për qytetarët. Opozita duhet të thotë “o do të marrë pjesë në proces ose nuk do të marrë pjesë në proces”. Nëse ne nuk kemi një marrëdhënie të drejtë me njëri-tjetrin, nuk mund të presim mirëkuptim nga ana tjetër. Ne jemi takuar me njëri-tjetrin, po, në kafe te Parlamenti. Por nëse flasim për marrëdhënie institucionale duhet të kemi takime institucionale. Nuk e di se çfarë na pengon të ulemi. Ka vetëm një letër të Alibeaj, me të cilën bie dakord, por duhet të kalojmë në veprime konkrete. Këtu dua të them te arritja në një kandidaturë” – u shpreh Mediu.
Discussion about this post