Presidentja e KE, Ursula von der Leyen ka zbardhur detaje nga plani i BE për investime në Ballkanin Perëndimor dhe veçanërisht Shqipërinë
Gjatë konferencës me Ramën, presidentja tha se dy propozimet nga Shqipëria janë projektet e rehabilitimit të hekurudhës Tiranë-Durrës-Podgoricë dhe hidrocentralit të Fierzës. Sipas saj, deri tani janë 9 miliardë euro, synimi është për të sjellë dhe 20 miliardë të tjera.
“Sa i përket rimëkëmbjes, kemi investuar në mënyrë të konsiderueshme. Kemi mobilizuar 3.3 miliardë euro, Shqipëria ka marrë 230 milion euro për t’ju ndihmuar me pasojat e pandemisë. Pasojat ishin të mëdha. Sigurisht këtu kishim të bënim me pajisje mjekësore për rimëkëmbjen ekonomike. Tani duhet rimëkëmbje solide, ky është partneritet i barabartë. Qytetarët e Shqipërisë meritojnë një të ardhme të gjelbër e dixhitale. Meritojnë vende pune të mirë paguara, ky është plani ynë i investimeve, ekonomike për Ballkanin. Kemi vënë në tryezë 9 miliardë euro. Ju bëni propozime për projekte cilësore, solide, të forta që së bashku të sjellim më shumë se 20 miliardë euro të tjera. Ky është objektivi ynë, kemi sjellë 500 milionë euro. Do të propozojmë dhe një shtesë prej 600 milionë eurosh për këtë vit. Le të kemi një sukses në këtë plan. Dua të them që për Shqipërinë do të punojmë për rehabilitimin e Tiranë-Durrës-Podgoricë dhe Fierzën. Këto dy janë prej projekte, ju i keni propozuar”.
Ndër të tjera, Von der Leyen tha se ky lan do të sigurojë vende të reja pune dhe është thelbësore për integrimin e rajonit në BE.
“Plani do të krijojë vende pune. Është thelbësore që të jepet mbështetje për integrimin brenda rajonit, duhet të ecin përpara për tregun e përbashkët rajonal. Faleminderit që përmendët Procesin e Berlinit. Kemi ende shumë për të bërë, na keni partner do na jemi krah jush. Të ecim përpara për të krijuar momentin e duhur për të pasur sukses”, tha Von der Leyen.
Sipas saj, Shqipëria meriton të jetë në BE dhe se shumë shpejt do të mbahet tryeza e parë ndërqeveritare.
