Pas vizitës në Tiranë, presidentja e Komisionit Evropian Ursula von der Leyen i është drejtuar Maqedonisë së Veriut. Në vizitën e saj në Shkup, Von der Leyen do të zhvillojë takime me presidentin e vendit Stevo Pendarovskin si dhe kryeministrin Zoran Zaev.
Në Shkup, Presidentja është pritur nga Zëvendës kryeministri për Çështje Evropiane, Nikolla Dimitrov. Von der Leyen e ka përfunduar takimin e saj me kryeministrin Zaev në një konferencë të përbashkët të mbajtur prej tyre.
Presidentja në fjalën e saj ka theksuar se Maqedonia e Veriut ka arritur shumë në kohët e fundit dhe se e ardhmja e saj është padyshim në Bashkimin Evropian. Ditën e nesërme, Von Der Leyen do të vizitojë Kosovën dhe Malin e Zi.
