Ish kryeministri Sali Berisha ka reaguar sërish për presionin që kryeministri Edi Rama i bëri SPAK duke i kërkuar të nisë hetimin ndaj tij dhe presidentit Ilir Meta.
Në konferencën për mediet, Berisha i ka bërë thirrje Ramës që të ndalojë presionet kundër SPAK. Sipas tij, Rama ka lobuar në mënyrë korruptive për dizenjimin e tij “Non grata” dhe tani i bën presion organeve të drejtësisë të faktojnë shpifjet, duke shtuar se fundi do t’i vijë nga opozita.
“Ky thërret e bërtet, ka një muaj që sulmon SPAK vetëm se e sheh që opozita e vërtetë do jetë fundi i tij, do firmosë fundin e tij. Ka shpifur në State Departament, ka lobuar në mënyrën më korrupsitve për dizenjimin tim non grata kur puthet pllaq e plluq me Dodikun në Bosnje. Tani i kërkon gjykatësve dhe prokurorëve të faktojë shpifjet që ai ka bërë ndaj meje. Kreu i narkoshtetit është i plagosur rëndë, është i rrezikshëm. Ai mendon se kapë fatet e vendit dhe do t’i japë vendit drejtim tjetër. harroje i them që sot. Mos tento se do përballesh me revoltë të fuqishme popullore. Drejtimi ynë është vetëm një, integrimi në BE. Ke një muaj që merresh me presione staliniste ndaj drejtësisë për të hetuar kundërshtarët e tu”, tha Berisha.
Discussion about this post