Gazetari Klodian Tomorri e ka konsideruar si sulmin më të rrezikshëm që i bëhet medias veprimin e SPAK ndaj gazetarit Elton Qyno. Në një postim të tij në mbështetje të gazetarit Qyno, Tomorri shkruan se nëse gazetari do të tregonte burimin do të ishte hjeks, ndërsa ai që shtrëngoi gazetarin për të dhënë burimet e tij është vrasës.
“E ka ngrënë njëherë një gol SPAK-u për këtë punë kur ja theu turinjtë Gjykata e Strasburgut për serverat e Lapsit.
Pra është hera e dytë që e bën këtë histori SPAK-u. Dhe meqë këta nuk merrkan vesh, përballë këtij agresioni ka vetëm një rrugë. Të sanksionohet në Kushtetute mbrojtja e gazetarit për të mos nxjerrë burimin. Shprehimisht”, shkruan Tomorri.
Postimi i Klodian Tomorrit:
Nëse arsyeja e ndalimit të kolegut Elton Qyno është me të vërtetë shantazhi për të nxjerrë burimin e informacioneve që ai ka publikuar, ky është precedenti më kriminal dhe sulmi më i rrezikshëm që i është bërë ndonjëherë medias në Shqipëri.
Ai prokuror që kërcënon gazetarin të nxjerrë burimin është turpi i drejtësisë së re, drejtësisë së vjetër dhe çfarëdo drejtësie në botë.
Burimi i beson jetën gazetarit. Dhe gazetari që nxjerr burimin bëhet hjeks. Ndërsa ai që të shtrëngon për të nxjerrë burimin është as më shumë dhe as më pak, por vrasës.
E ka ngrënë njëherë një gol SPAK-u për këtë punë kur ja theu turinjtë Gjykata e Strasburgut për serverat e Lapsit.
Pra është hera e dytë që e bën këtë histori SPAK-u. Dhe meqë këta nuk merrkan vesh, përballë këtij agresioni ka vetëm një rrugë. Të sanksionohet në Kushtetute mbrojtja e gazetarit për të mos nxjerrë burimin. Shprehimisht.
Se me sa duket neni që garanton lirinë e shtypit nuk po i mjafton prokurorisë.
Discussion about this post