Ferrari Monza SP1 është bërë super-vetura më e fundit me vlerë të lartë që është përjetësuar nga Lego, me modelin e plotë të bazuar në “tulla” të zbuluar këtë javë.
Bazuar në Monza SP1 me një ulëse – e mbështetur nga komponentët mekanikë nga Ferrari 812 Superfast – kjo super-veturë Lego është pjesa qendrore e atraksionit “Ferrari Build and Race” në Legoland në Danimarkë, vendlindja e prodhuesit të lodrave.
Korporata Kanadeze e Transmetimeve raporton se më shumë se 383,000 tulla Lego janë përdorur për të montuar modelin Monza SP1 gjatë një periudhe 339-ditore, me dizajnerët e Ferrarit që ndihmuan në formësimin e modelit me përmasa reale, raporton Drive.
Me peshë afërsisht 1340 kilogram, Ferrari me bazë Lego është rreth 150 kilogram më i rëndë se homologu i tij real, megjithëse veturës së shfaqur i mungon motori V12, transmisioni, amortizatorët dhe pothuajse çdo komponent tjetër që e bën një makinë të ndizet, të ngitet dhe të ndalet.
Ndërsa Lego është prodhuesi më i madh i gomave në botë për nga vëllimi, rrotat e prodhimit dhe gomat nga Monza SP1 u përdorën në vend të tyre, të ulura mbi frenat Lego.
Sipas një postimi nga Ferrari në platformën e mediave sociale Facebook, fansat e prodhuesit italian të makinave mund të ngasin Lego Monza SP1 dhe makinat e tyre të bazuara në “tulla” rreth një versioni virtual të pistës Fiorano të markës në Legoland Danimarkë.
Discussion about this post