Ditën e sotme Bashkia Lezhë ka nisur prishjen e disa mureve rrethuese në ishull Lezhë për t’i hapur rrugë një projekti për zgjerim te trotuareve. Por banorët e kanë kundërshtuar këtë projekt, pasi thonë se hapet dalja për direkt në rrugë dhe rrezikohet jeta e fëmijëve të tyre.
Ata shprehen se askush nuk i ka njoftuar, nuk është vënë asnjë tabelë dhe duke qenë se aty makinat ecin me shpejtësi të lartë, fëmijët dalin në rrugë pasi tani s’ka më mure ndarëse dhe do hap i tyre është një rrezik për ta.
“Nuk na ka njoftuar askush për këtë gjë. Shumë problematike është pasi këtu makinat ecin me shpejtësi, fëmijët dalin në rrugë dhe janë në rrezik. Kanë bërë namin vetëm prishin e prishin pa lajmëruar”, u shprehën ata. Ndërsa deri më tani bashkia nuk ka bërë asnjë reagim dhe nuk dihet sa kohë do të zgjasë dhe si do të procedohet me këtë projekt.
Discussion about this post