Skuadra e Ballkanit nuk ka arritur më shumë se një barazim ndaj Prishtinës.
Ballkani dhe Prishtina luajtën baras me rezultatin 1-1 në Suharekë.
Prishtina kaloi në avantazh me Leotrim Kryeziun, i cili realizoi krejt në fundin e pjesës së parë.
Megjithatë, Ballkani barazoi në fundin e ndeshjes me Albion Rrahmanin, i cili shënoi në minutën e 95’të.
Prishtina ndodhet në pozitën e katërt me 43 pikë, kurse Ballkani në pozitën e dytë me 63.
Ndërkohë, skuadra e Dritës ka marrë fitoren e madhe ndaj Llapit.
Gjilanasit fitoi ndaj klubit nga Podujeva me rezultatin 0-2, për të marrë tre pikë shumë të mëdha në luftën për titull.
“Intelektualët” fituan takimin me rezultatin 0-2, me dy golat e shënuar në pjesën e dytë.
Blendi Baftiu dhe Ovouka realizuan për fitoren e madhe të Dritës ndaj Llapit në “Zahir Pajaziti”.
Drita me këtë fitore ndodhet në vendin e parë me 66 pikë, kurse Llapi në vendin e gjashtë me 41 pikë.
Discussion about this post