Roma-Inter është një nga ndeshjet më të rëndësishme të kësaj jave në kampionatin italian. Dy skuadrat kanë objektiv pjesëmarrjen në Ligën e Kampioneve dhe diferenca e pikëve mes tyre, është shumë e ngushtë.
Ndërkohë, për këtë ndeshje është vendosur edhe arbitri që do të ndaj drejtësinë. Fabio Maresca është personi të cilit i është besuar ky takim i rëndësishëm, megjithatë është një emër që nuk i sjell kujtime të bukura asnjërës skuadër. Si trajneri Mourinho, ashtu edhe ish-trajneri Konte e akuzonin në ndeshjet që skuadrat e tyre humbisnin pikërisht kur arbitër ishte Maresca dhe si për ironi të fatit, të dyja ndeshjet ndaj Udineses.
ASKUSH NUK E KA QEJF MARESCAN
“Udinese është klub i zgjuar, di të ndikojë në arbitra”, akuzonte pas ndeshjes Mourinho kur skuadra e tij mundej 4-0. Ndërkohë, Conte shprehte pakënaqësi në ndeshjen e Interit ndaj Udineses, ku tekniku i Interit merrte karton të kuq. “Je gjithmonë ti Maresca… eh. Je gjithmonë ti, Maresca. Edhe në VAR, je gjithmonë ti. Bravo Maresca”, shprehej Konte.
Në ndeshjet e mëparshme Roma ka një rekord prej 14 ndeshjesh me Maresca si arbitër, me gjashtë fitore, pesë barazime dhe tre humbje me tre takimet e fundit janë: Roma-Juventus 1-0, Udinese-Roma 4-0, Roma-Milan 1-2. Interi ka një bilanc prej 14 ndeshjesh me arbitrin Maresca 8 fitore, tre barazime, tre humbje. Tre takimet e fundit të zikaltërve: Inter 0-1 Fiorentina, Sampdoria 0-0 Inter, Milan 0-3 Inter (Superkupa e Italisë).
Discussion about this post