Avokat Spartak Ngjela ka komentuar sot situatën e tensionuar në Ballkan dhe për këtë fajëson kryeministrin Rama dhe presidentin serb, Aleksandër Vuçiç. Përmes një postimi në Facebook ai shkruan se, është e turpshme që Rama ulet përkrah Vuçiç dhe kërkon të vërë në zbatim planet e tij që po degradojnë Ballkanin Perëndimor. Por sipas avokatit, ata nuk e kanë shumë të gjatë sepse kryeministri i Kosovës, Albin Kurti, mund t’i rrëzojë të dy ata, duke marrë për bazë që Vuçiç do të stepet për shkak të gjendjes jo të mirë shëndetësore.
“Gjendja e sotme në Ballkanin Perëndimor është degradim i mendjeve politike që e drejtojnë…
Presidenti Aleksandër Vuçiç, thotë kryeministrja e Serbisë, është në stres të madh për konfliktin me Kosovën, dhe nuk fle dot natën…
Po Rama?
Turp i madh. Rama shkon e ulet miqësisht me një terrorist dhe na kërkon me të edhe një Ballkan të Hapur. (Por, nëse është e vërtetë gjendja shëndetësore e Aleksandër Vuçiçit, ai është i humbur.
Po Rama? “Gjendja e rëndë e Vuçiçit ka ardhur nga aksioni i Albin Kurtit, kryeministrit të Kosovës. Dhe shenjat janë që Vuçiç është drejt dorëheqjes “për arsye shëndetësore”.
Po Rama? Nëse Albin Kurti e rrëzon vërtet Aleksandër Vuçiçin, i takon pastaj të rrëzojë edhe Ramën. Le të presim”, tha ai.
Ndër të tjera Ngjela, shkruan se, Rama dhe të tjerë si ai janë paguar në Serbia për të lobuar kundër Kosovës. Gjithsesi, avokati shprehet se shqiptarët janë shumë të fortë dhe fati i drejtuesve aktual nuk do të jetë aspak i mirë.
“Po tani e më tej, çfarë pritet të ndodhë? A ka një kërcënim ushtarak kundër Kosovës?
As që mund të mendohet. Shqiptarët tani janë shumë të fortë, dhe këtë, mu kështu e tha dhe Vuçiçi para një muaji gjithë dëshpërim. Se e di që nuk ka Serbi reale, kjo që është, është falsitet historik i ndërtuar nga Rusia dhe Franca në shekujt që kaluan me gjenocid antishqiptar. Po tani? Tani asgjë, se forca është nga shqiptarët.
Po këta që janë paguar nga Serbia këtu në Shqipëri, dhe po na hiqen si çlirimtare të mëdhenj të shqiptarëve?
Do t’i dëgjoni edhe këta, se vargu Milosheviç,Thaçi, Vuçiç… do të ecë edhe me emra të tjerë. Keni për t’i parë.
Prisni dhe shikoni”, shkruan ai.
Sipas Ngjelës, Rama po na turpëron me çështjen e Ballkanit të Hapur, pasi tregon qartë mbështetjen për një Serbi të madhe.
