Drejtori i Përgjithshëm i Policisë së Shtetit, Ardi Veliu ka thirrur një takim me të gjithë drejtuesit në qarqe, ku në fokus ka qenë analiza e rezultateteve që janë arritur që nga qarkorja e brendshmë që u shpërnda një muaj më parë. Kryepolici kërkoi nga shefat e komisariateve por dhe drejtuesit e Policisë një angazhim të shtuar në territoret që mbulojnë me qëllim parandalimin e ngjarjeve kriminale në vend.
Veliu ka kërkuar që shefat e komisariateve mos të largohen nga territori para orës 22:00; të listohen lokalet dhe ambientet që frekuentohen nga elementi kriminal; dhe shërbimet e forcave operacionale të mbajnë në vëzhgim elementin kriminal me prirje në fushën e krimeve ndaj jetës.
Po ashtu kryepolici paralajmëroi se qëndrimi i mëtejshëm në detyrë i secilit drejtues do të varet nga reagimi i strukturave, duke nisur atë që ministri i Brendshëm, Bledi Çuçi e paralajmëroi disa ditë më parë.
