Në policinë e Shtetit pritet të ketë ndryshime, që do të prekin jo vetëm kupolën e policisë por edhe drejtorët vendorë e shefat e komisariatit e të rendit. Ky paralajmërim vjen pas përfundimit të afatit 100 ditësh të vendosur nga Kryeministri Edi Rama si edhe ndryshimit të drejtorit të Përgjithshëm të Policisë së Shtetit.
Lëvizjet do të bëhen duke u bazuar në performancën e gjithsecilit nga drejtori i qarkut, shefi i komisariatit dhe ai i rendit dhe sigurisë publike. Ndryshimet do të prekin edhe drejtuesit e departamenteve në Policinë e Shtetit.
Ndërsa, ndryshime rrënjësore pritet të ketë në drejtorinë e Policisë së Tiranës, të cilat do të nisin me drejtorin e saj, Rebani Jaupi.
