Skuadra e Interit është duke pritur të gjithë lojtarët që kanë qenë grumbulluar me kombëtaret e tyre dhe kjo duket se do të jetë edhe java e rikthimit të Christian Eriksen, pas ngjarjes së frikshme të ‘Euro 2020’.
Rikujtojmë se në ndeshjen e parë të Danimarkës për ‘Euro 2020’ lojtari i Inter pësoi një atak kardiak, moment në të cilin zemra e tij ndaloi për 70 sekonda.
Tashmë që duket se danezi e ka marrë veten, sipas ‘La Gazzetta dello Sport’, ai mund të zbarkojë në Itali ditën e sotme.
Eriksen do t’i nënshtrohet të njëjtave teste kardiologjike të kryera tashmë në Kopenhagen dhe do të përpiqet të kuptojë natyrën e miokarditit që e rrëzoi atë, me synimin për t’u kthyer në fushë me ‘zikaltërit’ e Italisë./Gijotina.com
