“Probleme me energjinë në disa njësi”, prefektura bën bilancin nga reshjet në Elbasan

Reshjet intensive të shiut përgjatë ditëve të fundit kanë sjellë një sërë problematikash në qarqe të ndryshme të vendit.

Në qarkun e Elbasanit janë shfaqur probleme sa i përket nivelit të ujit dhe reshjeve të borës që kanë përfshirë zonat e thella. Prefektura e qarkut ka bërë me dije se situata pavarësisht vështirësive është në kontroll dhe qarkullimi në rrugë vijon të jetë normal.

Në akset rrugore nacionale ka pasur prani të inerteve e aluvioneve por që nuk kanë ndikuar në qarkullimin e mjeteve.

Furnizimi me energji elektrike ka pasur problematika të vogla me ndërprerje tek njësitë administrative Rrajcë, Stravaj, Orenjë, Lunik, si dhe në disa kabina në Funar.

Nga inspektimet e bëra deri në orët e para të paradites aksi nacional Elbasan- Prrenjas nuk ka pasur problematika në lëvizjen e mjeteve pavarësisht reshjeve të shumta të shiut.