Duket se skuadra e Partizanit ka për ta patur shumë të vështirë kalimin për në turin e tretë të Conference League.
Përveçse i duhet të përballet me një skuadër shumë të fortë, tashmë trajneri Ilir Daja duhet të mendojë për një mbrojtës të majtë, duke qenë se i vetmi që e mbulonte mirë atë pozicion, Emiliano Musta u dëmtua në ndeshjen me Sfintul.
Musta pati një dëmtim në gju në pjesën e parë kundër Sfintulit dhe u zëvendësua më pas nga Herald Marku. Te Partizani u mendua se 29-vjeçari do mund të rikuperohej deri në ndeshjen me Baselin, por duket se këto shpresa tashmë janë shuar.
Likuidet në kupën e gjurit janë ende prezente dhe Musta është stërvitur individualisht, duke munguar në seancat strëvitore të grupit./Gijotina.com
