Policia e Bulqizës ka proceduar penalisht tre punonjës të Inspektoriatit Vendor të Mbrojtjes së Territorit, në Bashkinë Bulqizë, pasi akuzohen për shpërdorim detyre. Të proceduarit janë më inicialet E.D., 37 vjeç, L.D.,34 vjeç dhe A.T., 45 vjeç, banues në Bulqizë, me detyrë punonjës të Inspektoriatit Vendor të Mbrojtjes së Territorit, në Bashkinë Bulqizë.
Mbi ta rëndon akuza se nuk kanë ndjekur marrjen e masave ligjore të parashikuara në VKM mbi shkeljet e kritereve të përcaktuara gjatë ndërtimit të një objekti nga personi me inicialet G.Xh., veprime të cilat i kanë sjellë përfitime të padrejta materiale ndërtuesit, si shtesë të kateve dhe të sipërfaqes së ndërtimit mbi lejen e miratuar, duke dëmtuar interesat e ligjshme të shtetit.
Discussion about this post