Qeveria vazhdon të jetë me “pushime” sa i takon detyrimeve ndaj popullit. Banorët e Darëzezës edhe pse prej disa ditësh kanë ngritur zërin publikisht për të zgjidhur “përmbytjen” e prodhimeve bujqësore në vend pasi bordi rajonal i kullimit në Fier nuk ka zbatuar parametrat teknike të ruajtjes së kuotave të nivelit të ujit as në dimër e as në verë.
Çka ka bërë që tokat bujqësore të kthehen në këneta me prodhime të cilat nuk janë me siguri për konsumatorët. Sakaq edhe tregtarët të cilët kanë bërë disa herë thirrje për zgjidhjen e këtij problemi ndër të tjera theksojnë se papërgjegjshmëria e bordit të kullimit i ka çuar ata drejt falimentimit. Nga ana tjetër një pjesë e fermerëve duan ujë për të vaditur tokat.
Më konkretisht ata që ndodhen nga pjesa e Pishë Poros duan vaditje dhe ata që ndodhen nga pjesa e Semanit u janë përmbytur tokat. E për këtë arsye prej ditësh organet kompetente, në këtë rast specialistë të Ministrisë së Bujqësisë duhet të merrnin masa duke dalë në terren, të verifikojnë e t’i japin zgjidhje problemit. Fermerët pohojnë se: “Nuk kanë leverdi banorët , sepse edhe ata që si punojnë nuk i japin dot me qira tokat sepse nuk marrim ne që i punojmë, s’kemi çfarë i duam sepse nuk kanë prodhim, po kripëzohen.
Burime nga Bordi Rajonal i Kullimit pohojnë se zbatohen të dhënat teknike dhe mbahen kuotat e vendosura të cilat ndryshojnë në bazë të stinëve dhe prurjeve.
E derisa kjo lojë të zgjidhet mes atyre që duan vaditje e atyre që nuk duan vaditje si dhe bordit rajonal të kullimit situata do jetë njëjtë edhe për vitin 2022.
