Ambasadori i BE-së në Tiranë, Luigi Soreca, ka reaguar në lidhje me pas progres- raportin për Shqipërinë të publikuar sot nga KE. Duke theksuar se vendi ka plotësuar kushtet për të zhvilluar Konferencën e parë ndërqeveritare me BE-në, Soreca tha që kjo mbledhje duhet të zhvillohet brenda këtij viti.
“Paketa e Zgjerimit. Shqipëria vazhdon të përmbushë kushtet për hapjen e negociatave. Është vendimtare tani që të bien dakord që mbledhja e parë të mbahet sa më shpejt të jetë e mundur dhe para fundit të këtij viti”, shkruan ambasadori.
KE në raportin e saj vlerëson se Shqipëria ka përmbushur pjesën më të madhe të kushteve për t’u integruar, por vazhdon të mbetet problem niveli i lartë i korrupsionit.
