Menjëherë pas publikimit të progres raportit të Komisionit Europian, ditën e nesërm do të mblidhet Këshilli Kombëtar për Integrimin Europian ku pritet të prezantohet ky raport.
Mbledhja do të nisë në orën 10:00 ku fjalën përshëndetëse do ta mbajnë deputetët Jorida Tabaku e PD-së, dhe Taulant Balla i PS-së. Prezantimin e raportit do ta bëjë ambasadori i BE-së Luigi Soreca, i cili më herët në orën 09:15 do të mbajë një konferencë të përbashkët me kryeministrin Rama për këtë raport.
Në këtë mbledhje do të jenë dhe Ministrja e Jashtme Olta Xhaçka si dhe kryenegociatori i Shqipërisë me BE-në, Zef Mazi të cilët do të rendisin hapat për ndjekjen e rekomandimeve të raportit.
