“Open Data” ka publikuar së fundmi kompanitë fituese të tenderit për rindërtimin e zonës numër 4 dhe 8 të lagjes “5 maj”. Projekti në fjalë kishte të përcaktuar shifrën maksimale 6.3 miliard lekë, ndërsa oferta fituese ishte me çmim rreth 6.1 miliard lekë.
Kompanitë fituese janë 15, ku disa prej tyre janë të njohura tashmë për shkak të numrit të lartë të tenderëve që përfitojnë për punët publike, si Salillari shpk., Geci shpk, Alba Konstruksion, apo Gjoka Konstruksion.
Kompanitë e tjera janë: Nova Construction 2012 shpk dhe Alesio 2014 shpk., EuroNdërtimi 2000 shpk Mane / TCI shpk , K.A.E.XH shpk & Mane/S shpk, Bajrami N shpk dhe Zdravo shpk, Company Riviera 2008 shk dhe Nika shpk Pepa Group, Al Point shpk dhe etj, Alb Tiefbau shpk Egeu Stone shpk Mela shpk Infratech shpk, Ina shpk , Xheko shpk dhe Larti shpk, Shkëlqimi 07 shpk, Gran Konstruction M shpk dhe Fled shpk, Alb Shpresa shpk , Alb Tiefbau shpk, egeu stone shpk, ALB-Building shpk dhe Nova Construction shpl dhe Alesio 2014 shpk.
Zona e “5 Majit” në Tiranë, me Vendim të Këshillit të Ministrave u shpall zonë për zhvillim të detyrueshëm. Aty do të ndërtohen ndërtesa të reja civile dhe publike, rikonstruksion apo ndërtim i infrastrukturës publike dhe ndërhyrje të tjera në funksion të rindërtimit.
Pronarët apo zotëruesit e godinave banim apo biznes në këtë zonë, edhe nëse nuk kanë dëme nga Tërmeti janë të detyruar të lëshojnë banesat e tyre për të mundësuar që për interes publik të ndërtohen pallate ku do të strehohen të dëmtuarit.
Prej disa ditësh, një pjesë e banorëve të lagjes “5 maj” në Tiranë po protestojnë kundër projektit të Bashkisë së Tiranës duke pretenduar se nuk është publikuar zonat e banimit të cilat prek ky projekt. Ata dyshojnë se nuk do të dëmshpërblehen plotësisht, ndërsa zëvendës kryetari i bashkisë së Tiranës, Arbian Mazniku ka premtuar se të gjithë banorët e lagjes “5 maj” do të dëmshpërblehen 100%.
Discussion about this post