Një tjetër protestë po zhvillohet sot paralelisht me atë që po zhvillohet në Rinas. Edhe banorët e Kodrës së Priftit po protestojnë kundër projektit të Unazës së Madhe, pasi ky projekt po iu prek banesat e tyre. Ata shprehen për mediat se projekti i Unazës së Madhe është devijuar. Një prej atyre akuzoi qeverinë se i gënjeu, pasi gjatë zgjedhjeve iu është premtuar legalizimi i banesave, të cilat do u shemben për këtë projekt.
Madje një prej tyre tregoi se Veliaj iu ka thënë se rrugët nuk do të ndryshojnë sa kohë në krye do të jetë qeveria Rama dhe tani pasi morën votën po zhvillojnë një projekt të ndryshuar. “Jo nuk e kam të legalizuar dhe në 2022 më lajmëruan që nuk legalizohej shtëpia dhe ne po çuditemi, neve u çuditem, shtëpia ngjit me mu. Unë e kam blerë tokën me lekë edhe nuk e mora kështu, por e mora në atë gropën atje, ne s’jemi aq budallenj. Shpirti im e di, thamë se do legalizoheshim edhe ne. 22 vite pa u legalizuar. Me vjen keq që dëgjova Veliaj që sa të jem unë dhe Rama rrugët nuk ndryshojnë. Po mirë kur ia dhamë votën i pëlqeu atij? E mori çunin të mbledh njerëzit.
Na premtoi se me garanci do të dëmshpërbleheni, ua jap me garanci, si nuk na ka ardh një njëri. Nuk e di si e vleresojne ato, kur jam ankuar te avokati i popullit, dhe më kanë sjell letrën që më kap rruga. Ne duam që projekti të shkojë ku ka qenë. Vota nga ne nuk presim më. Edhe kalamajtë që janë kokë e këmbe më Edi Ramën mos ta votojnë”- tha një banor.
Protestat për këtë projekt vazhdojnë prej disa muajsh, së pari është nisur nga banorët e Laprakës dhe tashmë po vazhdon nga të gjitha zonat që preken nga ky projekt. Por deri tani qeveria ka treguar se nuk i merr për bazë ankesat e tyre dhe nuk ndërmend të ndal shembjen e banesave.
Discussion about this post