Arsen Belaj, kandidat i koalicionit ABEOK në zgjedhjet e 25 prillit ka rezultuar me probleme në të shkuarën.
Në shkresën që Prokuroria e Përgjithshme i ka dërguar KQZ për këtë kandidat, rezulton se ka qenë i dënuar për drogë në 1995 nga Gjykata e Frosinones me 1.8 vite burg dhe 8 milion e 800 mijë lireta italiane.
Dënimi ka qenë i formës së prerë, por më pas mësohet të jetë pezulluar.
Po ashtu Belaj rezulton të jetë arrestuar 2 vite më parë në 1997 dhe i është caktuar edhe arrest me burg.
Më herët, Komisioni Qendror i Zgjedhjeve ka dërguar në Prokurorinë e Përgjithshme për verifikim 28 kandidatë nga listat e partive politike që garuan në zgjedhjet e 25 prillit.
Kandidatët, të cilët janë vetëdeklaruar se kanë pasur probleme me drejtësisë në një moment të caktuar të jetës së tyre, do t’i nënshtrohen verifikimit të thelluar nga ana e Prokurorisë së Përgjithshme.
