Ditën e sotme, mediet njoftuan se Gjykata e Gjirokastrës, kishte marrë miratimin mbi përfundimin e hetimeve për vrasjen e Kostandin Katsifas në fshatin Bularat, duke dërguar një kërkesë në gjykatë për të kërkuar pushimin e procedimit penal, por Gjykata e Rrethit Gjyqësor Gjirokastër nuk ka pranuar këtë kërkesë.
Përmes një njoftimi Gjykata bën me dije se ka vendosur kthimin e çështjes duke urdhëruar kryerjen e disa veprimeve të tjera hetimore sipas parashikimeve ligjore.
“Në vijim të interesimit të medias për çështjen penale për ngjarjen e datës 28.10.2018 në fshatin Bularat/Dropull, prokuroria pranë Gjykatës së Shkallës së Parë Gjirokastër ju informon se pas kërkesës së prokurorisë për pushimin e çështjes, Gjykata e Rrethit Gjyqësor Gjirokastër, si organi kompetent, ka vendosur kthimin, duke urdhëruar kryerjen e disa veprimeve të tjera hetimore sipas parashikimeve ligjore. Aktualisht çështja ndodhet në fazën e përmbushjes së këtyre detyrimeve”, thuhet në vendim.
Tre vite nga ngjarja e rëndë në Bularat, ku Katsifas, mbeti i vdekur me dy plumba kallashnikovi, prokuroria e Gjirokastrës vendosi të pushojë hetimet për këtë çështje duke theksuar se ai është vetëvrarë.
Kujtojmë se Konstandinos Katsifas, u vra më 28 tetor 2018 gjatë një shkëmbimi zjarresh me forcat RENEA. Ditën e varrimit, në Bularat, erdhën rreth 1500 nacionalistë grekë që e përcollën 35-vjeçarin drejt banesës së fundit të veshur me rroba ushtarake. Vrasja e tij nga forcat RENEA shkaktoi shumë tensione mes dy vendeve fqinje.
