Pronarët e Llixhave të Elbasanit kanë protestuar ditën e sotme kundër gjobave të vëna nga IKMT për shfrytëzimin e ijërave termal pa pajisjen me leje të posacme. Ata shprehen se nuk duhet të gjobiteshin, pasi kanë vepruar konform me ligjin. Ata kanë theksuar se nëse problem i tyre nuk zgjidhet do t’i drejtohen gjykatës.
“E pamë të arsyeshme se duhen bërë këto letra edhe I bëmë. Paguam 3 milionë dhe të gjitha kërkesat që donte shteti ne I plotësuam. Nga ky moment na thanë në 2018 do prisni sepse ne do shqyrtojmë në mbledhjen e ardhshme të gjitha letrat e juaja që keni bërë. Ne kemi që në 2018-ën që presim mbledhjen e ardhshme, u transferua baseni në Fier, ne s’morëm përgjigjie. Përgjigjia ishte që na erdhën një ditë kur ishim në valë të punës, ju shfrytëzoni ujërat termik pa leje dhe na dhanë një paralajmërim, nuk ishte gjobë.”
Raportohet se IKMT u ka vendosur gjobë prej 1 milionë lekë të reja 17 bizneseve që ushtrojnë aktivitet në këtë zonë. Ata shprehen se kjo nuk është e drejtë, pasi kanë marrë rekomandim nga shteti për shfrytëzimin e ujëra termal që në vitin 2018. Një përfaqësi e tyre është pritur nga specialistë të prefekturës që kanë premtuar se do të shqyrtojnë anën ligjore të kësaj çështjeje.
Ata shprehen se janë taksapagues të rregull prej vitesh dhe madje kontrollet e shtetit kanë qenë të vazhdueshme në bizneset e tyre, teksa theksojnë se e kanë të pamundur të paguajnë gjobën.
“Biznesi im ka 20 vjet që punon dhe paguan taksat dhe për ujin dhe për shtretërit dhe për NIPT-in,m që paguajmë ne të TVSH-së. Vijnë kontrollet, jemi në rregull. Ne për ujin kemi paguar 80 mijë lekë të vjetra çdo vit.Ne duhet të punojmë një vit komplet, të fitojmë 10 milionë edhe të paguajmë gjobën. Gjobë e paparë!””
Discussion about this post