Deri në 3000 euro për të rritur dhe 1500 për të mitur. Ministri i Drejtësisë i Islandës, Jon Gunnarsson, ka prezantuar në ofertë për azilkërkuesit që zgjedhin të largohen nga ishulli.
Shuma, nëse konfirmohet nga qeveria, do të jepet si një subvencion riintegrimi për largimin nga vendi i Europës Veriore deri në afatin e fundit për kthim vullnetar.
Dispozita u drejtohet aplikantëve, kërkesa e të cilëve për mbrojtje ndërkombëtare është refuzuar.
Nga pikëpamja e azilkërkuesit që rrezikon riatdhesimin, ky është një stimul i rëndësishëm. Emigrantët e rritur, sipas propozimit të ministrit islandez, mund të merrnin deri në 3000 euro. Këtyre mund t’u shtohen edhe 1 mijë euro si kontribut shtesë nëse kërkohet para afatit për riatdhesim vullnetar.
Në rastin e të miturit të pashoqëruar, shuma është 1500 euro, me shtesë 500 euro.
Ministria e Drejtësisë, transmeton transmetuesi publik Ruv, ka thënë se arsyeja e vendosjes së subvencionit për azilkërkuesit, kërkesat e të cilëve u janë refuzuar është mbi të gjitha ekonomike. Dhënia e deri në 3000 euro për emigrant për t’i bindur të riatdhesohen vullnetarisht bën të mundur kursimin e dëbimeve të kushtueshme nga vendi të shoqëruar nga policia.
Një masë e tillë e detyruar, argumenton ministria, do t’i kursente qeverisë shuma të mëdha parash.
Discussion about this post