Nga ngjarja e rëndë që ka ndodhur sot në Ferizaj të Kosovës, ku një vajzë 18-vjeçare e quajtur Marigona Osmani, u dhunua fizikisht dhe u la e vdekur përballë dyerve të spitalit, kanë dalë dy të dyshuar.
Dardan Krivaqa, është i dyshuari kryesor dhe gjithashtu personi më i njohur për policinë e prokurorinë në Ferizaj. Kjo pasi ai ka qenë i përfshirë në shumë vepra të ndryshme penale, ku rezulton që të jetë akuzuar për: “Vjedhje e rëndë”, “Lëndim i lehtë trupor”, “Kanosje” dhe “Lëndim i rëndë trupor”.
Por jo vetëm kaq, historitë e tmerrit vazhdojnë!
Mesa duket kjo nuk është hera e parë që Dardan Krivaqi është akuzuar për dhunë fizike.
Ai raportohet se ka ushtruar dhunë ndaj një të dashure tjetër me të cilën jetonte në Francë. Krivaqa e ka dhunuar vajzën, njësoj si në rastin e 18-vjeçares Osmani dhe e ka detyruar që të punojë si prostitutë.
Këtë gjë e ka komentuar dhe një person në llogarinë e Krivaqës në Twitter:
“Ky (Dardan Krivaqa) edhe njëherë ka provuar të mbysë të dashurën e tij në Francë. E ka dërgu atje, e ka rrahur dhe ka tentuar që ta shtyjë që të punojë në prostitucion” – është shprehur një komentues në profilin e tij, sipas Insajder.
Dardan Krivaqa është shpallur në kërkim, kurse i dyshuari i dytë, Arbër Sjediu, është prangosur nga Policia e Kosovës.
