Prostitucioni sheshit në Tiranë, arrestohet pronari i qendrës së masazhit dhe 37-vjeçarja

Policia e Tiranës ditën e sotme ka vënë në pranga shtetasin me iniciale A. B., 29 vjeç, administrator i një qendre masazhi në rrugën “5 Maji” në të cilën kishte punësuar shtetasen E. M. 29-vjeçari është arrestuar në kuadër të operacionit të koduar “Double”, i zhvilluar nga Seksioni për Hetimin e Trafiqeve të Paligjshme.

Përveç aktivitetit të regjistruar ligjërisht si qendër masazhesh, mësohet se administratori shfrytëzonte qendrën e masazheve për aktivitetin e kundërligjshëm të prostitucionit, duke u akuzuar nga policia për veprat penale “Shfrytëzimi i prostitucionit” dhe “Mbajtja e lokaleve për prostitucion”.

Gjithashtu, është proceduar penalisht në gjendje të lirë edhe punëtorja e qendrës së masazheve 37-vjeçarja me iniciale E.M, për veprën penale “Prostitucioni”.

Së fundmi, materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.