Protesta e radhës para Parlamentit është shoqëruar me tensione dhe akuza të forta ndaj Policisë së Shtetit, ndërsa aktivisti Arben Kola ka deklaruar se efektivët e policisë “veprojnë me urdhra politikë”.
Në një fjalim para protestuesve, Kola tha se qytetarët janë provokuar gjatë tubimit dhe akuzoi drejtues politikë për ndërhyrje në veprimet e policisë, duke përmendur emra si Ulsi Manja dhe Taulant Balla.
Akuza për dhunë dhe provokime
Sipas tij, disa protestues janë trajtuar me forcë gjatë protestës, ndërsa ai përmendi rastin e një qytetari, i cili sipas tij është nxjerrë me forcë nga policia.
“Policia që merr urdhra nga Ulsi Manja dhe Taulant Balla… është para një dileme: t’i shërbejë popullit apo mafies,” u shpreh Kola.
Ai shtoi gjithashtu se prania e qytetarëve me familje në protesta është, sipas tij, një tregues i forcës së lëvizjes protestuese.
Thirrje për protestë paqësore
Pavarësisht akuzave të forta, aktivisti u bëri thirrje protestuesve të ruajnë qetësinë dhe të mos bien pre e provokimeve, duke theksuar se lëvizja duhet të vijojë në mënyrë paqësore.
“Do ta rrëzojmë me një revolucion paqësor Edi Ramën,” deklaroi ai, duke shtuar se protestat do të vazhdojnë.
Discussion about this post