Qytetarët pjesëmarrës në protestën e 50-të kundër qeverisë kanë mbërritur para godinës së Kryeministrisë, pas marshimit të nisur nga sheshi “Skënderbej”.
Protestuesit kanë përsëritur kërkesat e tyre për dorëheqjen e kryeministrit Edi Rama dhe hetimin e qeverisë së tij, duke kërkuar gjithashtu ndryshime të thella në skenën politike shqiptare.
Sipas pjesëmarrësve në protestë, largimi i klasës së vjetër politike është një nga kërkesat kryesore të kësaj lëvizjeje, pasi ata e konsiderojnë atë përgjegjëse për problematikat aktuale në vend.
Protesta vijon para Kryeministrisë, ndërsa pritet që qytetarët të shprehin qëndrimet e tyre përmes fjalimeve dhe mesazheve publike gjatë tubimit.
“Rama, jep dorëheqjen” dhe “Edi Rama o tradhtar, këto janë thirrjet që po shoqërojnë tubimin e tyre. “Protestojmë prej 50 ditësh që t’i tregojmë këtij që nuk e duam më. Më 23 do të jetë seanca dhe aty do të mbajmë protestë të madhe. Nesër do të bëhet diçka simbolike para Kuvendit. Më 23 në mëngjes do të jetë protesta e madhe para Parlamentit”, deklaroi aktivisti.
Jemi pas 50 ditësh sërish në protestë. Kush do ta mendonte se pas 50 ditësh do të ishim këtu edhe në ditën e finales së botërorit? Kemi qenë këtu nga dita 1 për t’i dëshmuar njëri-tjetrit dhe qeverisë se e kemi seriozisht. Jemi me të njëjtën konsistencë e vendosmëri që të tregojmë se nuk largohemi pa u larguar ai që është strukur në Kryeministri.
Protestën kanë munduar ta ndalojnë me qindra mënyra, e ç’është më e rëndësishme nuk do të arrijnë ta ndalojnë. Kjo protestë pavarësisht vullnetit të kujtdo, nuk ndalon më, është një nga ato vullkanet që nuk ndalojnë. Protestën e ndalon vetëm dorëheqja e Ramës dhe plotësimi I të gjithë pikave, kur të ndryshohet ligji dhe të largohen fadromat nga zonat e mbrojtura nga Zvërneci në Rrjoll”, tha nje protestues.
gijotina.com/
Discussion about this post