Ka nisur marshimi i protestuesve drejt godinës së Kryeministrisë, në ditën e 71-të të protestës kundër qeverisë së Ramës.
Qytetarët, të cilët u grumbulluan në sheshin “Skënderbej”, janë nisur në drejtim të bulevardit “Dëshmorët e Kombit”, duke shoqëruar marshimin me pankarta dhe thirrje kundër qeverisë.
“Rama, jepe dorëheqjen” është një prej thirrjeve që përsëritet gjatë marshimit, ndërsa protestuesit kërkojnë largimin e kryeministrit nga detyra.
Turma po vijon lëvizjen drejt Kryeministrisë, ndërsa pankartat dhe mesazhet politike shoqërojnë marshimin e protestuesve.
Me mbërritjen përpara godinës së Kryeministrisë pritet të zhvillohet protesta, ku do të mbahen fjalime nga organizatorët dhe protestuesit.
Protesta e 71-të vijon me të njëjtën kërkesë politike të artikuluar nga qytetarët: dorëheqjen e panegociueshme të Edi Ramës dhe largimin e qeverisë.
Discussion about this post