Në ditën e 94-t të tubimit para Kryeministrisë, ka pasur tensione dhe përplasje mes protestuesve dhe forcave të Policisë.
Tensionet kanë nisur pasi protestuesit kaluan pas godinës së Kryeministrisë, për të bllokuar hyrjen kryesore, ku futet e del eskorta e kryeministrit Edi Rama dhe zyrtarëve të tjerë.
Gjatë tensioneve ishin të pranishëm edhe disa prej ‘të vetëshpallurve’ si organizatorë të protestës, mes të cilëve edhe Dritan Goxhaj dhe Arben Kola, të cilët përmes megafonit kanë nxitur të pranishmit që të rrethojnë godinën e Kryeministrisë.
Ende nuk dihet nëse kryeministri Edi Rama ka qenë brenda godinës së Kryeministrisë, në momentin e tensioneve mes protestuesve dhe efektivëve të Policisë.
Gjatë javëve të fundit janë shtuar përplasjet dhe konfliktet gjatë tubimit. Tensionet kanë qenë kryesisht mes grupeve rivale brenda protestës, por sot u shënuan edhe përplasje me forcat e rendit.
gijotina.com/
Discussion about this post