Ka mbërritur në ambientet e Kryeministrisë autoboti i ujit. Hyrja e Kryeminstrisë u bllokua per 30 minuta nga protestuuesit të cilët kërkojnë arrestimin e Ramës. Revolta e 94 mori një tjetër rrjedhë, qytetarët ndryshuan skenar duke bllokuar godinën e Kryeministrisë, ndërsa forca të shumta policie janë vendosur gardh para Kryeministrisë
Forcat e policisë kanë tentuar të largojnë qytetarët nga zona pranë godinës, ndërsa protestuesit kanë kundërshtuar urdhrat e efektivëve dhe kanë vijuar të qëndrojnë në zonën përpara Kryeministrisë.
Situata është shoqëruar me përplasje të forta mes palëve, ndërsa nga radhët e protestuesve vijojnë thirrjet kundër qeverisë dhe kryeministrit Edi Rama.
Në terren kanë “zbarkuar” gjithashtu edhe drejtues të lartë të Policisë së Shtetit, të cilët po ndjekin nga afër situatën dhe zhvillimet përpara Kryeministrisë.
Ndërkohë, protestuesit vijojnë të qëndrojnë përballë kordonit policor, ndërsa tensionet dhe përplasjet mes qytetarëve dhe efektivëve janë shënuar disa herë gjatë mbrëmjes.
“Rama jep dorëheqjen!” është një nga thirrjet që dëgjohet gjatë protestës, ndërsa qytetarët shprehen të vendosur për të mos u tërhequr.
gijotina.com/
Discussion about this post