Flamuj, pankarta dhe flakadanë kanë shoqëruar marshimin e protestuesve në rrugët e Tiranës, në vijim të protestës së 120-të qytetare kundër qeverisë.
Gjatë marshimit janë dëgjuar një sërë thirrjesh dhe sloganesh kundër qeverisë, ndërsa protestuesit kanë përsëritur mesazhin “Ju erdhi fundi!”.
“Pa rini nuk ka Shqipëri”, “Revolucion”, “Arrestoni Ramën”, “Studentë bashkohuni, kombi na thërret” dhe “Poshtë narkoshteti” ishin disa prej thirrjeve të artikuluara gjatë protestës.
Protesta e sotme shënon ditën e 120-të të tubimeve të njëpasnjëshme, ndërsa pjesëmarrësit kanë deklaruar se do të vijojnë qëndrimin e tyre në rrugë dhe në ditët në vijim.
Protestuesit i kanë përcjellë një tjetër mesazh kryeministrit Edi Rama, këtë herë përmes një shkrimi të vendosur në mes të bulevardit.
Mesazhi është vendosur në një moment kur protesta vijonte me marshimin në rrugët e kryeqytetit, ndërsa qytetarët mbanin flamuj, pankarta dhe flakadanë dhe përsërisnin thirrjet kundër qeverisë.
Shkrimi në bulevard lidhej nga protestuesit me zhvillimet e fundit rreth ish-drejtoreshës së Shërbimit Informativ të Shtetit, Vlora Hyseni, ndaj së cilës SPAK ka ndërmarrë procedura hetimore. Sipas akuzave të bëra publike nga prokuroria, çështja lidhet me dyshime për favorizim dhe ndihmë ndaj biznesmenit Ergys Agasi.
Protestuesit e kanë lidhur këtë çështje edhe me deklaratat e kryeministrit Edi Rama pas kthimit nga Shtetet e Bashkuara të Amerikës. Gjatë qëndrimit në Rinas, Rama foli për zhvillimet e fundit dhe mbrojti qëndrimin e tij lidhur me çështjen e ish-kreut të SHISH.
gijotina.com/
Discussion about this post