Edhe “Shqipëria bëhet” e Adriatik Lapajt merr pjesë në protestën për Zvërnecin, tensione me të rinjtë e PD-së

Kreu i partisë Shqipëria Bëhet, Adriatik Lapaj, ka marrë pjesë në protestën kundër investimeve në Zvërnec.

Protestuesit janë shprehur kundër afrimit të subjekteve politike. Një ditë më parë ata artikuluan formimin e një partie të re, ndërsa sot dëgjohet thirrja “Shqipëri e re” që po shihet edhe si një emër i mundshëm, ndonëse nuk ka ende asgjë konkrete.

Nderkaq, pati tensione në protestën kundër investimeve në Zvërnec. Ndërsa thërrisnin “Berisha në burg”, protestuesit u përballën me reagime nga një grup të rinjsh që mbështesnin Berishën.

Si përgjigje, morën thirrje të tjera nga protestuesit që thanë “PD jashtë” dhe “opozitë e shitur”. Vijoi edhe fraza “poshtë patronazhistët.”

Protestes iu bashkua edhe Dojna Mema kundër investimeve në Zvërnec duke iu drejtuar qytetarëve se janë shpresa e një Shqipërie të re. Moderatorja simpatike shprehet se nuk ka dorëzim dhe tha se protesta vjen edhe në emër të emigrantëve e atyre që përballen me probleme të jetesës e shëndetit çdo ditë, ndërsa kërkoi të demonstrojnë qytetari.

gijotina.com/