Deputetja e Partisë Demokratike Grida Duma ka konfirmuar pjesëmarrjen në protestën e 7 korrikut të thirrur nga ish kryeministri Sali Berisha, ndërsa bëri thirrje për sa më shumë pjesëmarrje.
Sipas Dumës, protesta do bashkojë demokratët ku shtoi se grupi parlamentar duhet të konsultohet sa i përket strategjisë që do të ndiqet.
Pyetje: Do angazhoheni për të thirrur njerëz në protestë?
Grida Duma: Absolutisht po. Kanë bërë shumë mirë që i kanë përfshirë deputetët kudo. E mira është përveç përfshirjes të kërkonin dhe mendime më tej se sa përfshirja. Duhet të kuptojmë qartë që grupi parlamentar duhet të ketë prestigjin e të respektohet si i votuar nga demokratët dhe nga shqiptarët. Si të tillë nuk është vetëm çështje që të jemi në grupe pune, duhet patjetër të konsultohen të gjithë deputetët sa i takon strategjisë që do të ndiqet. Unë jam pro protestave. Besoj që protesta do bashkojë demokratët pastaj se çfarë do bëjë hierarkia lart është çështje më e madhe se kaq.
Pyetje: Do zhvilloni takime për të parë si është strategjia?
Grida Duma: Patjetër, strategjia është të ketë pjesëmarrje së pari. Unë nuk kam qenë në ato takime e grupe, por e di shumë mirë që kontakte me kolegët që janë në grupe do mbajmë patjetër
Discussion about this post