Ish-kryeministri Sali Berisha iu ka bërë thirrje shqiptarëve që të marrin pjesë në protestën e madhe opozitare të 12 nëntorit. Berisha theksoi se i madh e i vogël duhet të dalin në shesh. Për Berishën, Rama e ka mbushur kupën dhe duhet të ikë.
Berisha: Po ju siguroj që këtë betejë do ta fitojmë, kemi kauzat tona, të çdo qytetari shqiptar, demokrat, socialist apo çfarëdo qoftë ai. Përveç grupit të hajdutëve në Rinas. Ata janë aty për tu marrë një nga një dhe për tu çuar aty ku e kanë vendin, bashkë me Ramën. Ndaj në këtë kohë që kemi deri më datë 12 nëntor, duhet të bëjmë punën më intensive.
Tirana duhet të jetë në rrugë me të madh e me të vogël. Po vjen Janari, biznesit të vogël u shtohet taksa 23%, t’ia mbathin dhe ata nga Shqipëria, çfarë do bëjnë ata këtu? Ata janë njerëz që jetojnë me vështirësi, por që krijojnë me qindra e mijëra shërbime, shqiptarët e presin nga ne sakrificën. Ai e ka mbushur kupën dhe duhet të qërohet, nuk ka kryeministër që të qëndrojë në karrige kur dalin super skandale në media.
Discussion about this post