Sali Berisha u shpreh nga foltorja në Vau i Dejës se në zonën e 5 Majit po shemben banesat e qytetarëve për të ndërtuar kulla 30 katëshe.
Berisha tha se shteti është i detyruar që të bëjë marrëveshje me banorët që kanë 20 vjet që jetojnë atje, por këta qeveritarë nuk kanë moral, janë të pangopur.
“Nënë Liza ishte gati të flijohej atje në banesën e saj, ndërsa shteti i korruptuar nuk pyet, nuk i garanton as pronën dhe asgjë. Kjo është një Qeveri e korruptuar, këtë e thotë edhe raporti i Amnisty International.
Qeveritarët shqiptarë po vjedhin dita ditës qytetarët, ndaj dhe sot kemi tenderi me çmime disa herë më të larta se ato që aplikohen në vende të tjera. Sot organizatat kriminale vendosin në Parlament, miratojnë ligje në favor të tyre”, tha Berisha.
Discussion about this post