Ish-kryeministri Sali Berisha është duke zhvilluar foltoren e radhës në Vaun e Dejës. Gjatë fjalës së tij para mbështetësve, ai ka folur dhe për ambasadoren e SHBA-ve, Yuri Kim, duke u shprehur se ajo po bënë lojë të rrezikshme.
Berisha përmendi Reformën e dështuar në Drejtësi dhe mbi kanabizimin e vendit, duke thënë se ambasadorja nuk tha asgjë lidhur me këto lloj shkeljesh vetëm për faktin se kryeministri Edi Rama ishte mik i filantropit George Soros.
“ Pyesim pak këtë zonjë dhe paraardhësin e saj. Si ka mundësi që Shqipëria u mbush me drogë nga konispoli në Vermosh dhe nuk thatë një fjalë kundër qeverisë. Si ka mundësi kur prokuroria italiane solli dosjet i krahasuat me ato dosjet e komunizmit? Si ka mundësi që nga Shqipëria ikin investitorë të huaj dhe nuk thoni një fjalë? Si ka mundësi që nga ky vend ikin me qindra mijëra qytetarë dhe nuk thoni një fjalë kundër Edi Ramës? Si ka mundësi që vazhdoni të reklamoni Reformën e dështuar në Drejtësi? Si ka mundësi të mbështesni një person që kaloi nga humbja në humbje? Mos mendoni se mbështesin Lulzim Bravën. Jo! Ata mbështesin Edi Ramën i cili është mik i George Soros. E pamë sesi natën e 25 prillit, zonja shkoi dhe uroi kreun e KQZ për zgjedhje, të cilat ishin më të këqijat në historinë e vendit”, tha ndër të tjerash Berisha.
Discussion about this post