Në një intervistë për mediat, deputeti i Partisë Demokratike, Ervin Salianji, ka folur për protestën e 7 korrikut. Salianji është shprehur se kjo protestë është për interesat e Sali Berishës, duke iu referuar akuzave të bëra nga vetë demokratët, Salianji tha se kjo protestë bëhet për qytetarët. I pyetur nëse do të jetë pjesë e protestës, Salianji tha se ai do të jetë gjithmonë në protesta kur bëhet fjalë për të rrëzuar Edi Ramën.
“Unë nuk komentoj asnjë deklaratë të asnjë kolegu, sidomos ku gjithsecili e zgjedh vetë nëse do të jetë i përfshirë ose jo, unë do të jem në çdo protestë kundër Edi Ramës, por edhe deputetët e PD duhet të jenë. Edhe për formalitet deputetët duhet të ishin në grupet e nxjerra edhe si një akt që tregon një lloj kujdesi në grupet e punës. Ne nuk jemi në një situatë normale, por mua nuk më pengon asgjë që të bëj përpjekjet maksimale që të ketë sa më shumë njerëz. Në politikë gjithsecili ka interes, dhe padyshim që politika në demokraci funksionon në mënyrë të tillë kur interesat e partisë përputhen me ato të qytetarëve, përmbyset qeveria. Çmimet në Shqipëri u rritën ende pa krisur pushka e parë në Ukrainë. Por Shqipëria ka taksat më të larta për naftën, nga ana tjetër nuk ka asnjë lloj subvencionimi, ka ngritur borde që ju shërbejnë oligarkëve. Qeveria në këtë periudhë ju ka marrë më shumë para qytetarëve. Nëse familjet shqiptare nuk ia dalin dot, kanë shpenzuar më shumë para se vitet e kaluara qeveria ka fituar 340 milionë euro më shumë, pra e ka transferuar krizën në xhepat e qytetarëve. Pra sot këto para nuk do ua japë qytetarëve, por do ua japë oligarkëve” – është shprehur Berisha.
Kujtojmë se Ervin Salianji, ishte një nga deputetët e Partisë Demokratike që kundërshtonte e “Foltoren”. Por që pas ikjes së Bashës nga selia blu, deputeti demokrat ka ndryshuar qëndrim.
Discussion about this post