Në kuadër të hetimeve për protestën e dhunshme, Prokuroria e Tiranës ka bërë të ditur se ditën e nesërme do të marrë në pyetje ish-kryeministrin Sali Berisha dhe kreun e PD Lulzim Basha në lidhje me protestën e 8 janarit, ku u shënuan incidente të dhunshme.
Mësohet se Prokuroria ka thirrur Berishën që të paraqitet të enjten për t’u marrë në pyetje. Ndërkohë që Lulzim Basha është thirrur për t’u paraqitur në Prokurori të premten. Në prokurori do të jenë edhe Noka e Bardhi, ndërsa në 14 janar ora 11:00 do të jetë Bardhi.
Sot u liruan 34 të arrestuarit, një pjesë e të cilëve akuzoheshin për shkatërrim prone. Gjykata vendosi masën e sigurisë Detyrim Paraqitjeje për 24 prej tyre, ndërsa 6 mbështetës të Bashës u liruan nga çdo lloj akuze, pasi sipas Prokurorisë nuk u gjet asnjë provë.
Discussion about this post