Protesta e 80-të kundër qeverisë/ Nis marshimi nga Sheshi Skënderbej drejt Kryeministrisë

Qytetarët janë mbledhur në Sheshin “Skënderbej”, nga ku kanë nisur marshimin drejt godinës së Kryeministrisë.

Protestuesit kanë marrë rrugën përgjatë bulevardit “Dëshmorët e Kombit”, duke mbajtur pankarta dhe duke përsëritur thirrjet kundër kryeministrit Edi Rama.

Kërkesa kryesore e protestuesve mbetet dorëheqja e panegociueshme e kryeministrit dhe largimi i qeverisë.

Me mbërritjen përpara Kryeministrisë pritet të mbahen fjalimet e organizatorëve dhe qytetarëve pjesëmarrës, të cilët do të përcjellin mesazhet e tyre kundër qeverisë.

Protestuesit kanë deklaruar se do të vijojnë rezistencën dhe marshimet, duke kërkuar dorëheqjen e kryeministrit Edi Rama.