Policia e Shtetit ka ndërhyrë në protestën e mbështetësve të Berishës në Partinë Demokratike, duke i shpërndarë këto të fundit, pas përshkallëzimit të situatës në dhunë dhe thyerje te dritareve dhe dyerve të selisë blu. Mësohet se të paktën 12 persona janë shoqëruar në polici, ndërsa mes tyre është dhe Arkimed Lushaj, njohur gjerësisht si Stresi. Ky i fundit ka reaguar lidhur me shoqërimin e tij në polici duke u shprehur se nuk ka kryer asnjë akt dhune dhe arrestimi i tij është i padrejtë.
Ishte Partia Demokratike që kërkoi ndërhyrjen e organeve ligjzbatuese për shkak se theksonin se u rrezikohej jeta nga protestuesit dhe gazi lotsjellës që u përdor për t’i mbajtur ata nën kontroll. Nga ana tjetër Berisha ka preferuar ta konsiderojë paqësore këtë protestë, ndërsa theksoi se kjo është vetëm faqja e parë.
Discussion about this post