Pas protestës në Tiranë dhe Durrës, janë bashkuar edhe maturantët e Gjirokastrës, të cilët pretendojnë se pyetjet ishin ndryshe nga ato që iu prezantuan.
Si matuarantët e tjerë, edhe ata kanë kërkuar uljen e pragut të pikëve dhe rivlerësim të testit. Sipas tyre, testi ishte i kopjuar keq nga Cambridge.
“Provimi ishte skandaloz, i një niveli të papërshkrueshëm. Asnjëri nga neve nuk ishte i përgatitur për një nivel të tillë vështirësie, as me të gjitha mundësitë që kishim për të mësuar gjatë vitit. Nuk jemi të përgatitur për një të tillë transformim. Ka pasur gjithmonë manovrime në vështirësinë e provimit. Nuk kemi qenë të përgatitur. Edhe provimi i anglishtes i cili i ka paraprirë këtij provimi ishte i një niveli skandaloz. Varionte drejt C1, C2. Nuk besoj që ka pasur një nxënës që nuk ka ndjerë vështirësi. Ushtrimet janë marrë fotokopje nga tekstet e Cambridge, janë kopjuar në një mënyrë skandaloze, as përmbajtja e tyre nuk përkon me tekstet tona. Çfarë duhet të bëjmë ne, a është e drejtë të penalizohemi për gjëra që nuk i kemi mësuar? Le të çohen të tërë maturantët në të tërë Shqipërinë, nuk durohet më kjo gjendje”, deklaroi një maturant në Gjirokastër.
