Policia dhe Forcat e Ndërhyrjes së Shpejtë kanë rrethuar rafinerinë e naftës në Ballsh, pasi naftëtarët kanë dalë sërish në protestë ditën e sotme.
Policia ka marrë masa për të mos lejuar që ata të afrohen në ambientet e marra nën rrethim, pasi ditën e djeshme këta të fundit tentuan në hynin në rafineri dhe kundërshtuan punonjësit e policisë. Për veprimet e tyre, 15 prej naftëtarëve u thirrën në komisarit, ndërsa 9 prej tyre u proceduan penalisht.
Naftëtarët e Ballshit kërkojnë që rafineria të rivihet në funksion dhe të mos shitet për skrap. Ata theksojnë se mbyllja e uzinës do të shpopullonte zonën ku banojnë, pasi rafineria është e vetmja formë punësimi për ta.
Pjesa më e madhe e tyre kanë fituar edhe gjyqin për të marrë rrogat e pa dhëna gjatë viteve, por ende nuk kanë marrë asnjë pagë. Qeveria ka vendosur një rrogë prej 300 mijë lekësh në muaj për të gjithë naftëtarët që nuk arrijnë të gjejnë punë për 3 vitet e ardhshme, por kërkesa e tyre është rifillimi i punës, në vendin ku kanë punuar prej shumë vitesh.
Discussion about this post