Koordinatori i Tiranës në Partinë Demokratike, Klevis Balliu nga një takim me tregtarët në tregun e Kombinatit ka deklaruar se ata do t’i bashkohen nesër protestës. Balliu thotë se tregu sot ishte i boshatisur nga blerësit duke qenë se nuk ka para. “Varfëria dhe shpopullimi kanë goditur rëndë biznesin dhe qytetarët”, deklaron ai.
Balliu bën thirrje për pjesëmarrje në protestën e nesërme në orën 17:00 për të ndryshuar këtë situatë.
Deklarate:
Në tregun e njësisë 6të, tregtarët nesër do ti bashkohen protestës në ora 17:00!
Tregu i kombinatit ishte sot i boshatisur nga klientët pasi nuk ka para, paratë janë marrë nga Edi Rama dhe pushteti i tij.
Tregtarët paguajnë 50 mijë lekë taksë për 4 m katrorë vend por nuk kanë me çfarë ti paguajnë pasi s’ka më klient.
Varfëria dhe shpopullimi kanë goditur rëndë biznesin dhe qytetarët.
Të reagojmë që të ndryshojë kjo situatë.
Nesër në ora 17:00 të bashkuar në protestë.
Discussion about this post