Deputetja demokrate, Albana Vokshi, ka folur mbi protestën e thirrur nga Partia Demokratike, pasditen e nesërme (24 janar) para Kryeministrisë.
Sipas Vokshit, pjesmarrja pritet të jetë masive, dhe se qytetarët do të mblidhen për një sërë arsyesh madhore që lidhen me keqqeverisjen.
Ajo thotë se protesta nuk do të jetë e dhunshme, ndërsa shton se ka takuar mjaft persona që sipas saj kanë shprehur shqetësime dhe pakënaqësi mbi mënyrën se si funksion çdo sistem në vendin tonë.
Vokshi shton se protesta do të zhvillohet kundër Edi Ramës i cili, sipas Vokshit, e konsideron vendin si plaçkë dhe pronë private të tij, që mund ta shesë apo ta japi copa-copa për interesa të tij.
“Me aq sa kam vënë re nga pjesëmarrja në nëpër takime, nga kontaktet që kam me qytetarë, nga kontaktet që kam me gra, me vajza, anëtare apo jo të Partisë Demokratike, burra, të rinj, anëtarë apo jo të Partisë Demokratike apo partive të opozitës, vërej që interesi dhe pjesëmarrja dhe pritshmëria që unë kam por edhe grupi organizator i Partisë Demokratike është që pjesëmarrja në protestën e nesërme do të jetë akoma më e madhe sesa pjesëmarrja në protestat e shkuara.
E sigurt është që dhunë si ajo që organizonte Edi Rama dhe Partia Socialiste kur ishe në opozitë, nuk do ketë. Nuk e kemi bërë kurrë të dhunshme dhe nuk do e bëjmë të dhunshme protestën. Sigurisht, zemërimin qytetar askush edhe pse jemi organizatorë, nuk e përmban dot. Po organizuar nga Partia Demokratike, protesta të dhunshme nuk do të ketë. Sigurisht, numrat janë ata, pjesëmarrja është ajo që vlen për një protestë për t’i dëshmuar jo vetëm kombëtarëve por edhe ndërkombëtarëve që ne jemi aty, jemi në këmbë, do refuzojmë çdo politikë antishqiptare, antikombëtare, antihumane të Edi Ramës. Kam takuar këto ditë dhjetëra, në mos them qindra qytetarë, të cilët do të dalin për të protestuar për Shqipërinë që ata duan, jo Shqipërinë që Edi Rama e konsideron si plaçkë, pronë private të tij dhe mund ta shesë apo ta japi copa-copa për interesa të tij dhe për interesa të karriges, për të mbajtur pra pushtet”,–
Kam takuar me qindra burra dhe gra të cilët duan që paratë e shëndetësisë të mos shkojnë tek oligarkët e Edi Ramës, të mos shkojnë te Vilma, te Iliri, e kështu me radhë, të gjithë oligarkët që kanë marrë më shumë se 400 milionë euro. Të gjithë ata do protestojnë që mos ndodhi që spitali QST-ja apo reparte të rëndësishme si reanimacioni në QST të jetë pa drita dhe të rrezikohet jeta e qytetarëve shqiptarë”,- ka thënë Vokshi në Syri TV.
Discussion about this post